Saturday, Feb 25th

Last update:04:08:51 AM GMT

મુખ્ય પાનુ અધ્યતન સમાચાર વર્ષ ૨૦૧૦ ગુટખા-મસાલાના પ્લાસ્ટિક પેક સામે સુપ્રીમનો પ્રતિબંધ

ગુટખા-મસાલાના પ્લાસ્ટિક પેક સામે સુપ્રીમનો પ્રતિબંધ

Print PDF
ગુટખા-મસાલાના પ્લાસ્ટિક પેક સામે સુપ્રીમનો પ્રતિબંધ
નવી દિલ્હી, તા. ૭
ગુટખા અને પાનમસાલા જેવી વસ્તુઓની આરોગ્ય પર થતી માઠી અસરો માટે અભ્યાસ કરી બે મહિનામાં અહેવાલ આપવા સરકારને સૂચન કરતાં સુપ્રીમ કોર્ટે મંગળવારે ગુટખા અને પાનમસાલા પ્લાસ્ટિક પાઉચમાં વેચવા સામે પ્રતિબંધ લાદ્યો હતો. જસ્ટિસ જી. એસ. સીંઘવી અને એ. કે. ગાંગુલીની સુપ્રીમની બેન્ચે પાનમસાલા અને ગુટખા ઉત્પાદકોને આદેશ કર્યો છે કે આગામી માર્ચ મહિના સુધી પ્લાસ્ટિકને બદલે અન્ય પેકેજિંગ પદાર્થ નક્કી કરી લેવું. 'પ્લાસ્ટિક મેનેજમેન્ટ એન્ડ ડિસ્પોઝલ રૃલ-૨૦૦૯'ના નિયમોનો તાત્કાલિક અમલ કરવા સરકારને તાકીદ કરી હતી. આ આદેશથી ગુટખા-પાનમસાલાના હજારો નાના ઉત્પાદકો બંધ પડી જવાની કેટલાક ગુટખા ઉત્પાદકોએ કરેલી દલીલ સુપ્રીમે ફગાવી દીધી હતી.

કોઈપણ સંજોગોમાં આગામી માર્ચ સુધી ગુટખા-પાનમસાલા માટે નવું પેકીંગ પદાર્થ શોધી લેવા તાકીદ કરતાં સુપ્રીમે તેમાં કોઈ છૂટ આપવા ના પાડી દીધી હતી. સમગ્ર ગુટખા-પાનમસાલા ઉદ્યોગ બંધ પડી જશે તેવી એક ઉત્પાદકે દલીલ કરતાં કોર્ટે જણાવ્યું હતું કે બંધ પડી જવા દો.

આ પદાર્થોના સેવનથી અને તે પ્લાસ્ટિકમાં પેક કરવાથી થતી ખરાબ અસરોની તપાસ કરાવવા સુપ્રીમે સરકારને તાકીદ કરી હતી. તે માટે સરકારને નેશનલ ઈન્સ્ટિટયૂટ ઓફ પબ્લિક હેલ્થની સેવાઓ મેળવવા સૂચન કર્યું હતું. સાથે જ 'પ્લાસ્ટિક મેનેજમેન્ટ એન્ડ ડિસ્પોઝલ રૃલ-૨૦૦૯'ના નિયમો બે વર્ષથી તૈયાર હોવા છતાં સરકારે તેનો અમલ નથી કરાવ્યો તેની ટીકા કરતાં તાત્કાલિક તેનો અમલ કરવા જણાવ્યું હતું. સુપ્રીમે એક સિવિલ સોસાયટી દ્વારા દેશમાં ગુટખા અને પાનમસાલાનું બેફામ વેચાણ થતું હોવાની કરાયેલી ફરિયાદની સુનાવણી દરમિયાન આ ચુકાદો આપ્યો હતો.

આગામી માર્ચ પછીથી પ્લાસ્ટિકનો વપરાશ સદંતર બંધ કરવો પડશે
સરકારને તમાકુના ઉત્પાદનો અને પ્લાસ્ટિક પેકીંગની આરોગ્ય પર અસરો તપાસવા તાકીદ


Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ‘Fair dealing’ or ‘Fair use’. Visitors may click on the publication name, in the news story, to visit the original article as it appears on the publication’s website.

Source:sandesh.com

મંતવ્ય

આ તમારી સાઈટ છે, જો તમારે કાઇ સુજાવ આપવો હોય અથવા કોઇ જાણકારી આપવી હોય કે જેનાથી આપણી કાર્યપદ્ધતિમાં સુધાર આવે તો અમને તરતજ જણાવો. અમે તે જાળવવા ઉત્તમ પ્રયાસ કરશુ.

મંતવ્ય આવકાર્ય
Manthan Award

Link to Aarogya

NASSCOM Award