Tuesday, Jun 27th

Last update:04:08:51 AM GMT

મુખ્ય પાનુ અધ્યતન સમાચાર વર્ષ ૨૦૧૦ ધૂમ્રપાન કરનારની કિસ ઘાતક અને જોખમી હોય

ધૂમ્રપાન કરનારની કિસ ઘાતક અને જોખમી હોય

Print PDF
ધૂમ્રપાન કરનારની કિસ ઘાતક અને જોખમી હોય
બીડી-સિગારેટ કે કોઈપણ પ્રકારનું ધૂમ્રપાન કરનાર વ્યક્તિ તમને ભેટવા અને કિસ કરવા પ્રયાસ કરે તો તેને દૂર હડસેલી દેવી જોઈએ એવી ચેતવણી તાજેતરમાં અભ્યાસ કરનાર નિષ્ણાતોએ ઉચ્ચારી છે. ધૂમ્રપાન અને માનવીના આરોગ્ય વિષે સંશોધન કરનાર નિષ્ણાતોની ટુકડીના આગેવાન પ્રોફેસર રોબર્ટ બૂયએ જણાવ્યું હતું કે ધૂમ્રપાન કરનાર વ્યક્તિના ગળામાં ઊંડે મેનિંગોકોકસ નામના ઘાતક બેકટેરિયા હોવાનું સૌથી વધુ જોખમ હોય છે. તે સિવાય અનેક જોખમી બેકટેરિયા પણ તેમના મોં તથા ગળામાં જોવા મળ્યા હતા. તેમની કિસ દ્વારા તે સામેની વ્યક્તિ અથવા બાળકના મોંમાં અને ત્યાંથી શરીરના અન્ય ભાગમાં પહોંચી શકે છે.

ધૂમ્રપાન કરનારના ગળામાં મેનિંગોકોકસ નામના ઘાતક બેકટેરિયા હોય છે
સિડનીના નેશનલ સેન્ટર ફોર લુમિનાઈઝેશન એન્ડ રિસર્ચના નિષ્ણાતોએ ખાસ ભારપૂર્વક જણાવ્યું હતું કે, ધૂમ્રપાન કરનારાઓએ બાળકોને બાથ ભરવાનું કે તેમને વહાલ કરવાનું ટાળવું જોઈએ. બાળકને હળવી ચૂમી કરવાથી પણ તેને મેનિંગોકોકસ બેકટેરિયાનો ચેપ લાગી શકે છે. આ બેકટેરિયાનો ચેપ લાગ્યા પછી ૧૦ ટકા બાળકો બચી શકતાં નથી.

મેનિંગોકોકસ બેકટેરિયાનો ચેપ લાગ્યા પછી બાળકને અચાનક તાવ આવી જાય છે, તેને ભયંકર માથાનો દુખાવો થવા લાગે છે. બાળક નબળાઈ અનુભવે છે, થાક અને ઘેનનો અનુભવ કરે છે. તેના પગ અને સાંધા દુખવા લાગે છે, સોજો વધી જાય છે. બાળકને બેચેની અને વોમિટ થવા લાગે છે. તેને ઉજ્જવળ પ્રકાશ ગમતો નથી. અંધારું પસંદ કરવા લાગે છે. ગળું જકડાઈ જાય છે અને શરીરે લાલ અથવા ફાલસાઈ દાણા ઊપસી આવે છે.જો સમયસર રોગનો ચેપ ધ્યાનમાં ન આવે તો બાળક કોમામાં જતું રહે છે તેમ પ્રોફેસર રોબર્ટ બૂયએ જણાવ્યું હતું.

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ‘Fair dealing’ or ‘Fair use’. Visitors may click on the publication name, in the news story, to visit the original article as it appears on the publication’s website.


Source: Sandesh

મંતવ્ય

આ તમારી સાઈટ છે, જો તમારે કાઇ સુજાવ આપવો હોય અથવા કોઇ જાણકારી આપવી હોય કે જેનાથી આપણી કાર્યપદ્ધતિમાં સુધાર આવે તો અમને તરતજ જણાવો. અમે તે જાળવવા ઉત્તમ પ્રયાસ કરશુ.

મંતવ્ય આવકાર્ય
Manthan Award

Link to Aarogya

NASSCOM Award